"E-Salyq" мобильдік қосымшасында "Салық әмияны" - "Салық салу объектілері" қосымша бетінде жедел түзету мақсатында көлік құралдары, жылжымайтын мүлік объектілері бойынша қате мәліметтер анықталған жағдайда салық салу объектілері бойынша деректерді түзету сервисі әзірленді. Ол онлайн режимде түзетуге, оның ішінде көлік құралының сипаттамаларын өзгертуге, көлік құралын иеліктен шығаруға байланысты дерекқордан шығаруға, жылжымайтын мүлік объектісінің мекенжайын өзгертуге және т. б. өтінімдер беруге мүмкіндік береді.
Бұдан басқа, жақын арада жер учаскелері бойынша түзету сервисін пайдалануға беру жоспарлануда.