Сұрақ:
Банктерден ақпарат алғаннан кейін Мемлекеттік кірістер органдары қандай әрекеттер жасайды?
Жауап:
Екінші деңгейдегі банктерден мәліметтер алғаннан кейін Мемлекеттік кіріс органдары іс-шараларды екі кезеңде жүзеге асырады.
Бірінші кезең-салық төлеушіні хабардар ету.
Қазақстан Республикасы Салық кодексінің 93-бабына сәйкес салық органдары салық төлеушіні табыс алу белгілерінің бар екендігі туралы хабардар етуді жүзеге асырады.
Осы мақсаттар үшін салық төлеушіге хабарлама жіберіледі, ол хабарлама сипатында болады және жауап беруді талап етпейді.
Екінші кезең - бақылау шаралары.
Бұдан әрі негіздер болған кезде Мемлекеттік кіріс органдары Қазақстан Республикасының Салық кодексінде көзделген тәртіппен камералдық бақылау жүргізеді.
Камералдық бақылау нәтижелері бойынша, алшақтықтар анықталған жағдайда, Қазақстан Республикасы Салық кодексінің 137-бабына сәйкес салық төлеушіге хабарлама жіберіледі.
Хабарламаны орындауды салық төлеуші оны тапсырған күннен кейінгі күннен бастап 30 жұмыс күні ішінде жүзеге асырады.