Сұрақ:
2026 жылға дейін дәрілік заттарды өндіруге арналған шикізат пен материалдарды сату және импорттау ҚҚС-тан босатылды. 2026 жылғы 1 қаңтардан бастап дәрілік заттарды өндіру үшін шикізат пен материалдарды өткізу және импорттау босатыла ма?
Жауап:
2026 жылғы 1 қаңтарға дейін қолданыста болған Салық кодексінің 394-бабы 33) тармақшасының, сондай-ақ 399-бабы 1-тармағының 10) және 10-1) тармақшаларының ережелерінде дәрілік заттарды өндіруге арналған шикізат пен материалдарды өткізу және импорттау кезінде ҚҚС-тан босату көзделген.
2026 жылғы 1 қаңтардан бастап қолданылып жүрген Салық кодексінде дәрілік заттарды өндіруге арналған шикізат пен материалдарды өткізу және импорттау ҚҚС-нан босату жөніндегі ұқсас ережелер көзделмеген.
Осылайша, Салық кодексінде дәрілік заттарды өндіру үшін пайдаланылатын шикізатты, материалдарды, жабдықтарды ҚҚС-тан босатуды көздейтін ережелер белгіленбеген. Тиісінше, дәрілік заттарды өндіру үшін пайдаланылатын шикізатты, материалдарды импорттауға және сатуға ҚҚС салынады.