Сұрақ:
Сіз мемлекеттік тіркеу белгісінің нөмірлері (МТБН) үшін мемлекеттік бажды төледіңіз, бірақ нөмірді алмадыңыз. Бұл жағдайда төленген соманы қайтаруға болады.
Жауап:
1-қадам. Мемлекеттік баж төленген мемлекеттік органға жүгініңіз (мысалы, Полиция департаменті) және мемлекеттік қызметтің көрсетілмегені жөнінде растауды алыңыз.
2-қадам. Ыңғайлы тәсілдердің бірімен:
- «салық төлеуші кабинеті» веб- қосымшасы арқылы;
- eGov.kz портал арқылы;
- ХҚКО арқылы қағаз жүзінде мемлекеттік бажды қайтаруға өтініш беріңіз. 3-қадам. Растайтын құжатты (сканерлеу немесе фотосурет) қоса беріңіз.
4-қадам. Ақшаны аудару үшін қажет банк деректемелерін көрсетіңіз.
5-қадам. ЭЦҚ-мен өтінішіне қол қойып, оны мемлекеттік баж төленген жер бойынша мемлекеттік кірістер органына жіберіңіз. ҚАНДАЙ ОРГАНДАР РАСТАУ БЕРЕДІ?
Мемлекеттік көрсетілетін қызметтің түріне байланысты растауды мына органдар береді:
- сот органдары;
- ішкі істер органдары;
- әділет органдары;
- сыртқы істер органдары;
- жергілікті атқарушы органдар. БІЛУ МАҢЫЗДЫ
Артық немесе қате төленген мемлекеттік бажды қайтаруды мемлекеттік кірістер органдары салықтық өтініші негізінде жүзеге асырады.
Назар аударыңыз: мемлекеттік бажды қайтару қызметі e-Otinish платформасы арқылы ұсынылмайды.