Сұрақ:
Қандай жағдайларда банктер жеке тұлғалардың салық органдарына мобильді аударымдары туралы мәліметтерді береді?
Жауап:
Қазақстан Республикасының Салық кодексі 55-бабы 2-тармағының 24) тармақшасына сәйкес банк ұйымдары кәсіпкерлік қызметтен табыс алу белгілері болған кезде жеке тұлғаның банктік шотына өзге жеке тұлғалардан түскен ақша сомасы туралы мәліметтерді ұсынады.
Мәліметтерді беру Қазақстан Республикасы Қаржы министрінің 2025 жылғы 12 қарашадағы № 698 бұйрығымен бекітілген белгіленген өлшемшарттар бір мезгілде орындалған кезде ғана жүзеге асырылады.
Атап айтқанда, егер жеке тұлға қатарынан үш күнтізбелік айдың әрқайсысы ішінде 100 және одан да көп түрлі тұлғалардан кәсіпкерлік қызметке арналмаған банк шотына ақша алса және түсімдердің жиынтық сомасы ең төменгі жалақының 12 еселенген мөлшерінен асса, мұндай мәліметтерді Екінші деңгейдегі банктер Мемлекеттік кірістер органдарына жібереді.