2026 жылғы 2 шілдеден бастап Қазақстанда жаңа Конституцияның қабылдануына байланысты бірқатар әкімшілік айыппұлдарға рақымшылық қолданылады.
Рақымшылық азаматтарға, жеке кәсіпкерлерге және жекеше практикамен айналысатын адамдарға қатысты мемлекеттік кірістер органдары салған бірқатар әкімшілік айыппұлдарды қамтиды.
Маңыздысы, рақымшылыққа жататын айыппұлдар автоматты түрде есептен шығарылады. Азаматтарға өтініш беру немесе мемлекеттік кірістер органдарына жүгіну талап етілмейді.
Ақтөбе облысы бойынша Мемлекеттік кірістер департаменті мен оның аумақтық басқармалары тарапынан 250 әкімшілік материал бойынша рақымшылық жүргізілді.
Оның ішінде:
– жеке тұлғалар бойынша 15 материал – 1 млн 130 мың теңге;
– жеке кәсіпкерлер бойынша 235 материал – 25 млн 554 мың теңге.
Нәтижесінде рақымшылық аясында есептен шығарылған әкімшілік айыппұлдардың жалпы сомасы 26 млн 685 мың теңгені құрады.
Рақымшылық рәсімін аяқтау үшін мемлекеттік кірістер органдарына заңмен алты ай мерзім белгіленген.