- Мемлекеттік қызметтегі әдеп және сыбайлас жемқорлыққа қарсы мәдениет.
«Мемлекеттік қызмет туралы» заңға сәйкес мемлекеттік қызметші:
- заңдылықты;
- адалдықты;
- әділдік пен ашықтықты;
- азаматтардың құқықтары мен заңды мүдделерін құрметтеуді
қатаң сақтауға міндетті.
Әдеп нормаларын сақтау – сыбайлас жемқорлыққа қарсы мәдениеттің негізгі элементтерінің бірі болып табылады. Әдеп жөніндегі уәкілдің қызметі мемлекеттік қызметшілердің мінез-құлқына бақылау жасап, құқықбұзушылықтардың алдын алуға бағытталған.
- Сыбайлас жемқорлыққа қарсы заңнаманың негізгі талаптары.
Қазақстан Республикасының «Сыбайлас жемқорлыққа қарсы іс-қимыл туралы» заңы сыбайлас жемқорлықтың алдын алуға бағытталған бірқатар тетіктерді көздейді, атап айтқанда:
- мүдделер қақтығысын болдырмау;
- қызметтік өкілеттіктерді жеке мақсатта пайдалануға тыйым салу;
- мемлекеттік қызметшілердің табыстары мен мүлкін жария ету;
- сыбайлас жемқорлық тәуекелдерін талдау.
Бұл шаралар мемлекеттік аппараттың ашықтығын арттыруға және қоғамның мемлекеттік органдарға деген сенімін нығайтуға бағытталған.
- Сыбайлас жемқорлыққа қарсы мәдениетті қалыптастырудағы профилактикалық шаралар.
Сыбайлас жемқорлыққа қарсы мәдениетті қалыптастыру мақсатында:
- мемлекеттік қызметшілер арасында тұрақты түрде түсіндіру және оқыту жұмыстарын жүргізу;
- әдеп нормалары мен заң талаптарын сақтау бойынша профилактикалық іс-шараларды күшейту;
- құқықбұзушылықтарға «мүлдем төзбеушілік» қағидатын қалыптастыру;
- азаматтармен кері байланысты дамыту маңызды болып табылады.
Сыбайлас жемқорлықтың алдын-алу әрбір мемлекеттік қызметшінің ортақ жауапкершілігі.