Тіркеу есебіне шартты түрде қою шетелдік салық төлеуші компаниялардың тізілімін қалыптастыру арқылы жүзеге асырылады.
Шетелдік компания не істеуі қажет?
Тіркеу есебіне шартты түрде қою үшін шетелдік компания салық органына тізілімге енгізілуге жататын қажетті деректер көрсетілген растау хатын ұсынады.
Ұсыну мерзімі:
сатып алушы тауарға және/немесе көрсетілетін қызметтерге бірінші төлемді жүзеге асырған күннен бастап бір айдан кешіктірмей.
МАҢЫЗДЫ!
Шетелдік компания сатып алушы бірінші төлемді жүзеге асырған күннен бастап салық төлеуші болып танылады.
Деректер өзгерген жағдайда
Тізілімге енгізілуге жататын деректер өзгерген және/немесе толықтырылған жағдайда, шетелдік компания салық органына бұл туралы өзгерістер және/немесе толықтырулар енгізілген күннен кейінгі 10 жұмыс күнінен кешіктірмей хабарлауға міндетті.
Тізілімге енгізілген шетелдік салық төлеуші компаниялар туралы мәліметтер уәкілетті органның интернет-ресурсында орналастырылады.