Мүлік салығын кім төлейді?
Мүлік салығын меншігінде тұрғынжайлар, ғимараттар, саяжай құрылыстары, гараждар, автотұрақ орындары және өзге де құрылыстар мен үй-жайлар бар жеке тұлғалар төлейді.
Салық сомасы қалай анықталады?
Салық салу мақсаттары үшін айқындалатын мүліктің құны негізге алынады. Салық мөлшерлемесі мүліктің құнына байланысты белгіленеді.
Негізгі мөлшерлемелер:
2 млн теңгеге дейін — 0,05%;
2 млн-нан 4 млн теңгеге дейін — 1 000 теңге + 2 млн теңгеден асатын соманың 0,08%;
4 млн-нан 6 млн теңгеге дейін — 2 600 теңге + 4 млн теңгеден асатын соманың 0,1%.
Мүліктің құны 450 млн теңгеден асқан жағдайда — 2 946 600 теңге + 450 млн теңгеден асатын соманың 2% мөлшерлемесі қолданылады.
Салықты кім есептейді?
Жеке тұлғалардың мүлік салығын мемлекеттік кірістер органдары есептейді.
Төлеу мерзімі — есепті салықтық кезеңнен кейінгі жылдың 1 қазанынан кешіктірмей.
Құқықтық негіз: Қазақстан Республикасы Салық кодексінің 597–603-баптары.
Ескерту: нақты салық сомасы объектінің құнына және меншік құқығында болған кезеңіне байланысты есептеледі.