Толық емес кедендік декларациялау кезінде мынадай мәліметтер көрсетілмеуі мүмкін:
тауарларды алушы туралы;
тауарлардың межелі елі және (немесе) сауда жасаушы ел туралы;
декларацияланатын тауарларды тасымалдау үшін пайдаланылатын көлік құралдары туралы;
тауарлардың орамасы туралы (саны, түрі, таңбалануы және реттік нөмірлері).
Тауарлар шығарылғаннан кейін декларант кеден органына жетіспейтін мәліметтерді тауарларға арналған декларацияда мәлімделген мәліметтерді өзгерту (толықтыру) арқылы тауарлар шығарылған күннен бастап 8 айдан кешіктірмей ұсынуға міндетті, егер мүше мемлекеттің кедендік реттеу туралы заңнамасында неғұрлым қысқа мерзімдер белгіленбесе.
Мүше мемлекеттердің кедендік реттеу туралы заңнамасында осы ережелер қолданылмайтын тауарлардың санаттары айқындалуы мүмкін.