Тауар импорттайсыз ба? Онда «Кедендік қойма» кедендік рәсімі шығындарды оңтайландырып, жеткізуді икемді басқаруға мүмкіндік береді.
Негізгі артықшылықтары:
Кедендік төлемдерсіз сақтау
Шетелдік тауарларды кедендік баждар мен салықтарды төлемей, еркін айналымға шығарғанға дейін сақтауға болады.
3 жылға дейін сақтау
Тауарлар кедендік қоймада 3 жылға дейін сақталады (кейбір тауарлар үшін бұл мерзім қысқартылуы мүмкін).
Тауарды кезең-кезеңімен шығару
Барлық тауарды бірден рәсімдеу міндетті емес. Қажеттілігіне қарай қоймадан бөліп шығаруға болады.
Тауармен операциялар жасауға рұқсат етіледі.
Сақтау кезінде:
• қарап тексеру және өлшеу;
• қаптамасын ауыстыру;
• кеден органының рұқсатымен сынамалар алу, таңбалау және басқа да қажетті операцияларды жүргізуге болады.
Маңызды!
Сақтау мерзімі аяқталғанға дейін тауарлар ЕАЭО кеден заңнамасында көзделген өзге кедендік рәсімге орналастырылуы тиіс.
«Кедендік қойма» рәсімі бизнеске тауар қорын тиімді басқаруға, қаржылық жүктемені азайтуға және нарық сұранысына жедел әрекет етуге мүмкіндік береді.