2025 жылғы 18 шілдедегі Қазақстан Республикасы Салық кодексінің (бұдан әрі – Салық кодексі) 716-бабының 7-тармағына сәйкес оңайлатылған декларация негізінде арнаулы салық режимінен (бұдан әрі – АСР) жалпыға бірдей белгіленген салық салу тәртібіне (оның ішінде салық органының шешімі бойынша) ауысқаннан (көшкеннен) кейін оңайлатылған декларация негізінде арнаулы салық режиміне кейінгі ауысу бір мезгілде мынадай шарттарға сәйкес келген кезде:
жалпыға бірдей белгіленген тәртіпті қолданудың кемінде бір күнтізбелік жылынан кейін;
соңғы күнтізбелік жылда жалпыға бірдей белгіленген салық салу тәртібін қолданған кезде жылдық жиынтық кіріс оңайлатылған декларация негізінде арнаулы салық режимін қолдану үшін белгіленген шекті кіріс мөлшерінен аспаса, жүзеге асырылады.
Салық кодексі 2026 жылғы 1 қаңтардан бастап күшіне енді, сәйкесінше, Салық кодексінің 716-бабының ережелері 2026 жылғы 1 қаңтардан бастап қолданысқа енгізілді.
Салық кодексінің 716-бабы 1-тармағының 3) тармақшасына сәйкес Салық кодексінің 16-бөлімінде әрбір осындай режим үшін белгіленген, оны қолдану шарттарына сәйкес келген кезде АСР таңдауды қолданылатын салық салу режимі туралы хабарламада жүзеге асырады.
Салық кодексінің 716-бабының 9-тармағының 4) тармақшасына сәйкес таңдалған АСР қолдануды бастау күні қолданылатын салық салу режимі туралы хабарлама берілген күн болып табылады.
Осылайша, егер салық төлеуші 2026 жылғы 1 қаңтарға дейін оңайлатылған декларация негізінде АСР қолданған болса және 2026 жылғы 1 қаңтардан бастап жалпыға бірдей белгіленген салық салу тәртібін қолданса, онда мұндай салық төлеуші жалпыға бірдей белгіленген салық салу тәртібінен оңайлатылған декларация негізінде АСР-не (Салық кодексінің 723-бабында көзделген қолдану шарттарын ескере отырып) салық салу режимі туралы хабарламада берілген күнінен бастап ауысуға құқылы.
Егер салық төлеуші 2026 жылы оңайлатылған декларация негізінде АСР қолданса және одан кейін жалпыға бірдей белгіленген салық салу тәртібіне ауысса, онда оңайлатылған декларация негізінде АСР кейіннен ауысу Салық кодексінің 716-бабының 7-тармағына сәйкес жүзеге асырылады.