Абай облысы бойынша Мемлекеттік кірістер департаменті Сәйкестікті бағалау қағидалары Қазақстан Республикасы Сауда және интеграция міндетін атқарушының 2021 жылғы 29 маусымдағы № 433-НҚ бұйрығымен белгіленген тәртіппен жүргізілетінін хабарлайды. Сәйкестікті бағалау – техникалық реттеу объектісіне қойылатын талаптардың сақталуын тікелей немесе жанама айқындау. Өнімді сертификаттау рәсімі техникалық реттеудің цифрлық жүйесінде мынадай кезеңдерді қамтиды:
1) өтініш берушінің СӨО-ға Қағидаларға қосымшаға сәйкес нысан бойынша сертификаттау жүргізуге өтінімді (бұдан әрі – өтінім) беруі;
2) СӨО-ның өтінімді қоса берілген құжаттармен бірге қарауы және ол бойынша, соның ішінде өтініш беруші таңдаған өнімді сертификаттау схемасы негізінде өнімді сертификаттау схемасын бекіту туралы шешім қабылдауы;
3) сертификаттау жөніндегі жұмыстарды жүргізуге шарт жасасу;
4) сәйкестендіру, үлгілерді іріктеу және оларды сынау;
5) өндірістің жай-күйіне талдау жүргізу;
6) нәтижелерді талдау, сәйкестік сертификатын беру туралы шешім қабылдау;
7) техникалық реттеудің цифрлық жүйесі арқылы техникалық реттеу тізілімінде сәйкестік сертификатын тіркеу;
8) сәйкестік сертификатын қалыптастыру және беру;
9) сертификатталған өнімге мерзімдік бағалауды жүзеге асыру;
10) сертификаттау нәтижелері туралы ақпарат беру.