Білім

     2001 жылы Тұйық орта мектебі салынды. Мектеп ғимараты 270 орынға  есептелген. Қазіргі таңда 176 оқушы білім алса, мектепалды даярлық тобында 17 тәрбиеленуші, шағын орталықта 20 тәрбиеленуші тәрбиеленуде. 33 мұғалім, 2 тәрбиеші бар. Мұғалімдер оқушылардың қабілетін анықтап,оны дамыту жолында еңбек етуде.Мектеп оқушыларының білімін тереңдету мақсатында қосымша сабақтар, үйірме және факультатив жұмыстар ұйымдастырылған.Оқушылардың ақпараттық оқу құралдарын пайдалануға, әлемдік акпарат жүйесіне еркін еніп, өз білімдерін тұрақты жетілдіріп отыру үшін мектеп интернет жүйесімен жабдықталды.

   Тұйық орта мектебі оқушыларының 2021-2022 оқу жылындағы жетістіктерін атап айтқанда:

1. 11 сыныптың 3 оқушысы «Үздік аттестат»» алды.
2. 6- сынып оқушысы «Зерде» ғылыми жобадан облыстан 3- орын алды.
3. «Жетісу жұлдыздары – 2022» облыстық балалар шығармашылығы байқауында көрсеткен үздік туындысы үшін 11- сынып оқушысы бас жүлде алды.
4. 9 сынып оқушысы Облыстық «Эко жоба» байқауына қатысып 2 орын алды.

         Аудандық білім бөлімі, мектеп ұжымы мен қорғаншылық- қамқоршылық комитеті әлеуметтік санаттағы отбасы балаларын ерекше  қамқорлыққа алып, сүтпен  және киім- кешекпен қамтасыз етіп, сауықтандыратын демалыс орындарына жіберіп отырады. Мектеп оқушыларын барлығын тегін оқулықпен қамтамасыз етілген.