ТКШ саласындағы мамандардың біліктілігін арттыру курстары аяқталды

«Тұрғынүй-коммуналдық шаруашылығын жаңғырту мен дамытудың қазақстандық орталығы» акционерлік қоғамы "Тұрғын үй шаруашылығы саласы мамандарының біліктілігін арттыру" 236 бюджеттік бағдарламасын іске асыру аяқталғаны туралы хабарлайды. Аталған Бағдарлама тұрғын үй шаруашылығы саласы мамандарының құзыреттілігі мен білім деңгейін арттыруға бағытталған. Курстардың мақсаты, тұрғын үй-коммуналдық қатынастар нарығының барлық қатысушылары арасында ақпарат алу және өзара іс-қимыл деңгейінің сапасын көтеру.

Бағдарлама аясында 3,5 және 10 күндік біліктілікті арттыру курстары (сертификат беру арқылы) және 3 өңірлік конференция өткізілді.

Ағымдағы жылдың шілде айынан желтоқсан айына дейін ТКШ мамандарының біліктілігін арттыру курстары Алматы, Ақтөбе, Көкшетау, Петропавл, Қызылорда, Талдықорған, Өскемен, Атырау, Орал, Ақтау қалаларында және Астана, Атырау,Тараз қалаларында өңірлік конференциялар өткізілді.

2018 жылы курстарда тұрғын үй шаруашылығының 1150 маманы оқытылды.