Қаржы Вице-Министрі Даурен Темирбеков Қазынашылық комитетінде жиналыс өткізді

2024 жылғы 13 қарашада Қазынашылық комитетінде Қаржы вице-министрі Даурен Темірбековтің төрағалығымен ағымдағы қаржы жылын аяқтау, шоғырландырылған қаржылық есептілікті қалыптастыру және 2025 жылға қаржыландыру жоспарларын әзірлеу мәселелері бойынша кеңес өтті.

Кездесуге ҚР ІІМ, ҚР ТЖМ, Қорғаныс министрлігі, Ауыл шаруашылығы министрлігі, Еңбек және халықты әлеуметтік қорғау министрлігі, Оқу-ағарту министрлігі, Денсаулық сақтау министрлігі, Ғылым және жоғары білім министрлігі, Өнеркәсіп және құрылыс министрлігі, Энергетика министрлігі, Ұлттық экономика министрлігі, Туризм және спорт министрлігі, Мәдениет және ақпарат министрлігі, сондай-ақ Су ресурстары және ирригация министрлігі сияқты жетекші министрліктердің қаржы қызметтерінің басшылары шақырылды.

Кеңес алдағы жылы елдің тұрақты дамуын қамтамасыз ететін қаржылық стратегияны келісуге бағытталған.