1949 жылы 29 желтоқсанда Батыс Қазақстан облысы Жаңақала ауданы Жаңақала ауылында дүниеге келген.
1956 жылы Казталовка ауданындағы Қараоба сегізжылдық мектебінің бірінші класына барып, 1966 жылы Қошанкөл ауылындағы «Қазақстан» орта мектебінің оныншы класын бітірген.
1966-1969 жылдары Орал ауылшаруашылық техникумының зоотехникалық бөлімінде оқыған.
Алғашқы еңбек жолын 1969 жылы Қараоба совхозының №2 бөлімшесінде ветсанитар болып бастаған. 1971-1978 жылдары «Қараоба» совхозының бөлімше зоотехнигі, 1978-1984 жылдары бөлімше меңгерушісі, 1984-1986 жылдары бас зоотехник, 1986-1993 жылдары Казталовка аудандық агроөнеркәсіптік кешені бірлестігінде бас зоотехник, төрағаның бірінші орынбасары, XXIV партия съезі атындағы совхоз директоры, аудандық агроөнеркәсіп кешені бірлестігінің төрағасы, 1993 жылы Казталов ауданы әкімінің орынбасары, 1994-2002 жылдары Казталов ауданының әкімі, 2002-2006 жылдары Жәнібек ауданының әкімі, 2006-2009 жылдары облыстық тарифтер басқармасының бастығы, Орал қаласы әкімінің орынбасары қызметтерін атқарған, кейіннен «Орал су арнасы» мекемесінің бастығы болды.
«Құрмет» орденімен марапатталған.
Казталов аудандық мәслихатының 2009 жылғы 25 желтоқсандағы №24-8 шешімімен «Ауданның Құрметті азаматы» атағы берілді.