Жерді қашықтықтан зондтау (ЖҚЗ) – ғарыш кеңістігінен құрлық, мұхит және атмосфера элементтерінің өзіндік және шағылысқан сәулеленуін байқау мен өлшеу арқылы Жер беті мен қойнауы туралы ақпарат алу процесі.

Қашықтықтан зондтау ғарыштық аппараттары Жердің табиғи ресурстарын мониторингілеу, метеорология міндеттерін шешу үшін пайдаланылады, сондай-ақ ауыл шаруашылығында, геодезияда, картографияда, жер беті мен мұхит мониторингінде қолданылады.

Қазақстан Республикасының ЖҚЗ ғарыш жүйесі ғарыш спутниктері мен жүйелері арқылы алынатын ақпаратты талдау, ауыл шаруашылығы, қорғаныс және қауіпсіздік, ТЖ алдын алу, экология және табиғатты пайдалану, жерді пайдалану, геодезия, картография және жекелеген қалалар мен өңірлердің ғана емес, салалық экожүйелердің тіршілік әрекетінің басқа да бағыттары саласындағы қызметті жетілдіру және міндеттерді шешу үшін қамтамасыз етуге арналған.

ЖҚЗ отандық ғарыш жүйесі кеңістіктік айыру қабілеті жоғары "KazEOSat-1" (1 м) және "KazEOSat-2" (6,5 м) кеңістіктік айыру қабілеті орташа спутниктерден, сондай-ақ спутниктерді жерүсті басқару кешенінен және ЖҚЗ деректерін тұтынушыларға қабылдауға, өңдеуге және таратуға арналған жерүсті мақсатты кешеннен тұрады. Жүйені пайдалануды ғарыштық технологиялар бойынша жетекші еуропалық кәсіпорындарда тағылымдамадан өткен қазақстандық мамандар қамтамасыз етеді.

ЖҚЗ ғарыш жүйесі штаттық режимде алты жылдан астам уақытта жұмыс істейді және ЖҚЗ деректері бойынша тәуелсіз және жедел ақпарат алуға мүмкіндік береді.

 Жұмыс нәтижелері

2020 жылғы 15 қаңтардағы жағдай бойынша  ғарыш жүйесін пайдалану кезінде қазақстандық ЖҚЗ спутниктері жер аумағының 1 134 246 997 шаршы км. түсірді.

2019 жылы елдің мемлекеттік органдары үшін космомониторингті қоса алғанда, ел аумағының 22 млн.шаршы км-ге 11 мыңнан астам ғарыш түсірілімі өңделді және ұсынылды.

2015-2020 жылдар аралығында Қазақстан Республикасының Жерді қашықтықтан зондтау ғарыш жүйесінің (KazEOSat-1 және KazEOSat-2)   жұмыс істеу кезеңі кезінде ішкі нарықта ғарыш түсірілімдерін сату 15 млн. теңге әкелді, сыртқы нарықта сатуға келетін болсақ, кірістер 316 млн. теңгені құрады.

2020 жылы мемлекеттік органдарға 2 876 400 км²  айыру қабілеті  жоғары ЖҚЗ ғарыш түсірілімдері және 3 006 003 км² айыру қабілеті орташа ЖҚЗ ғарыш түсірілімдері ұсынылды.

Субъектілер

«Қазақстан Ғарыш Сапары» ҰК АҚ