KazAID өкілдері Парижде ЭЫДҰ-мен кездесті

KazAID өкілдері Парижде ЭЫДҰ-мен кездесті

2025 жылғы 6 наурызда Парижде KazAID өкілдерінің экономикалық ынтымақтастық және даму ұйымымен (ЭЫДҰ) кездесуі өтті, ол Қазақстанның ЭЫДҰ-мен ынтымақтастығы мен дамуға ресми көмек (ДРК) бойынша есептілік мәселелеріне арналған.

KazAID атынан іс-шараға серіктестік және аймақтық жобалар департаментінің директоры Қ.Ахметова және Департамент менеджері Т. Түлкібаев қатысты. Кездесу барысында қазақстандық делегация елдегі ДРК жүйесінің дамуы туралы деректерді ұсынды, есептіліктің негізгі мәселелерін талқылады, сондай-ақ ДРК бойынша деректерді жинау және талдау үшін пайдаланылатын CRS (Creditor Reporting System) есепті нысандарын толтыру жөніндегі практикалық сессияға қатысты.

Күннің екінші жартысында KazAID пен ЭЫДҰ арасындағы келісімді талқылау өтті, онда тараптар ынтымақтастық бойынша одан әрі қадамдарды белгіледі. Сапардың қорытындысы Қазақстандағы ДРК жүйесін нығайту үшін ЭЫДҰ ұсынымдарын енгізу жоспарын қалыптастыру болды.