Қырғызстанның кәсіптік лицейі KazAID-тен оқу материалдары мен сайт түрінде қолдау алды

Қырғызстанның кәсіптік лицейі KazAID-тен оқу материалдары мен сайт түрінде қолдау алды

«KazAID» Қазақстандық халықаралық даму агенттігі «Тамақтандыруды ұйымдастыру» мамандығы бойынша оқу құралдарын Қырғыз Республикасы Ала-Букин ауданы Ак-Коргон ауылында орналасқан А. Балтагулова атындағы №21 кәсіптік лицейге тапсырды.

Бұл ынтымақтастық тамақтандыруды ұйымдастыру саласында сұранысқа ие дағдыларды меңгерген оқушыларды қолдауға және бауырлас елдер — Қазақстан мен Қырғызстан арасындағы білім беру саласындағы байланыстарын нығайтуға бағытталған. Оқу материалдарына аспаздық өнер, санитарлық нормалар, тамақтануды басқару және қызмет көрсету бойынша нұсқаулықтар кіреді, бұл лицей студенттеріне өз мамандықтары бойынша білімдерін тереңдетуге және тамақтану мен қонақжайлылық бойынша біліктілігін арттыруға көмектеседі.

Сондай-ақ, KazAID көмегімен лицей үшін көпфункционалды сайт әзірленді, ол қазірдің өзінде белсенді пайдаланылуда. Сайтты Ұлттық волонтерлер желісінен дарынды волонтер бағдарламашы Сибанбай Абай Мұхтарұлы жасады. Кітаптар мен сайт Орталық Азияда кәсіптік білім беруді дамытуды қолдайтын KazAID грантының арқасында өтеусіз негізде берілді. KazAID өңірде дағдыларды дамытуға және әріптестікті нығайтуға ықпал ететін білім беру бастамаларын іске асыруды жалғастырады.