«KazAID» Қазақстандық халықаралық даму агенттігі мен БҰҰДБ «Қазақстандық дамуға ресми көмектің жай-күйі мен перспективалары» тақырыбында дөңгелек үстел өткізді

2023 жылғы 11 қазан – «KazAID» Қазақстандық халықаралық даму агенттігі және БҰҰДБ Астана қаласында «Қазақстандық дамуға ресми көмектің жай-күйі мен перспективалары» тақырыбында дөңгелек үстел өткізді.

Іс-шараға Қазақстан Республикасы Парламенті Сенатының Депутаттары Ғ.Т. Сарыбаев, Ә.Г. Сатвалдиев, А.Ғ. Толамисов, сондай-ақ Қаржы министрлігінің, Ұлттық экономика министрлігінің, Сыртқы істер министрлігінің, Біріккен Ұлттар ұйымының даму бағдарламасының өкілдері және халықаралық сарапшылар қатысты.

Спикерлер ретінде KazAID Басқарма Төрағасы д-р Аркен Арыстанов, ДРК бойынша халықаралық сарапшы Астрид Шницер-Скьенсберг ханым, БҰҰДБ Еуропа мен ТМД үшін Стамбул өңірлік хабының әріптестік қатынастарды дамыту жөніндегі маманы Берна Баязит Баран ханым сөз сөйледі. Спикерлер дамуға ресми көмектің маңыздылығын, Қазақстанның осы салада кездестіретін кедергілерін және даму мақсатында халықаралық ынтымақтастықтың перспективаларын қамтыды. Спикерлер өз сөздерінде Қазақстан үшін дамуға ресми көмектің маңыздылығын атап өтіп, ДРК ұсынудың халықаралық тәжірибесімен бөлісті. Талқылау барысында дөңгелек үстелге қатысушылар Агенттіктің әлеуетін нығайту бойынша нақты ұсыныстар берді және Алматы қаласында Орталық Азия мен Ауғанстан үшін БҰҰ-ның ТДМ бойынша орталығын құру шеңберінде ДРК жүзеге асыру тетіктерін ұсынды.