Бастама Қазақстан Республикасы мемлекеттік органдарының баспасөз қызметтері мен медиа өкілдері арасында дамуға ресми көмек (ДРК) туралы хабардарлықты арттыруға, халықаралық көмек мәселелеріндегі медиасауаттылық деңгейін көтеруге және Қазақстанның жауапты донор ретіндегі рөлін ашып көрсетуге бағытталды.
2025 жылғы 14 мамырда Астана қаласында өткен «Халықаралық журналистика: дамуға ресми көмек» атты семинарға 48 қатысушы – мемлекеттік органдардың баспасөз хатшылары мен журналистер жиналды. Сарапшылар жаһандық бастамаларды жариялау стандарттарын және дағдарысқа қарсы PR әдістерін талқылады. Нәтижесінде сыртқы саясат пен «жұмсақ күштің» ерекшеліктерін терең түсінетін медиа-мамандар пулын қалыптастыруға негіз қаланды. Іс-шара кәсіби қауымдастық тарапынан жоғары қызығушылық тудырды. Қатысушылар алған білімнің практикалық маңыздылығын атап өтіп, бұл оқытуды жыл сайын өткізу бастамасын ұсынды. Мұндай кездесулердің тұрақты түрде ұйымдастырылуы Қазақстанның халықаралық тұрақтылыққа қосқан үлесін ақпараттық кеңістікте сапалырақ жариялауға мүмкіндік береді.