Агенттіктің осы бағыттағы қызметі дағдарыстық жағдайларда қажетті ресурстарды ұсыну арқылы серіктес елдерді қолдауға бағытталды. Жыл бойы берілген гуманитарлық көмектің жалпы көлемі 3,7 млрд теңгеден астам соманы құрады. 2024 жылы KazAID көмегімен Қырғыз Республикасына, Вьетнам Социалистік Республикасына, Тәжікстан Республикасына және Ауғанстан халқына гуманитарлық көмек көрсетілді. Көмек аясында халықтың бірінші кезектегі мұқтаждықтарын қамтамасыз ету үшін отын, азық-түлік және дәрі-дәрмек жеткізілді.