Қазақстан Республикасының 2024 жылы шет елдерге көрсеткен дамуға ресми көмегі туралы

2014 жылғы 10 желтоқсандағы «Дамуға ресми көмек туралы» Қазақстан Республикасының Заңын іске асыру шеңберінде және Экономикалық ынтымақтастық және даму ұйымының дамуға жәрдемдесу комитетіндегі «шақырылған» мәртебесіне сәйкес Қазақстан Республикасының Сыртқы істер министрлігі 2024 жылы шет елдерге көрсетілген дамуға ресми көмек туралы статистикалық есепті ұсынды.

2024 жылы Қазақстан Республикасының екіжақты және көпжақты арналар арқылы көрсеткен дамуға ресми көмегінің жалпы көлемі 49,28 млн АҚШ долларын құрады.

2024 жылы Қазақстан Республикасының екіжақты көмегінің негізгі алушылары:

Тәжікстан – 9,71 млн АҚШ доллары;
Ауғанстан – 6,49 млн АҚШ доллары;
Түркия – 3,95 млн АҚШ доллары;
Того – 1,55 млн АҚШ доллары;
Қырғызстан – 1,49 млн АҚШ доллары.

ДРК қаражаты келесі басым бағыттар бойынша бөлінді:

Гуманитарлық көмек, төтенше жағдайлар кезінде жедел әрекет етуді қоса алғанда;
Экономикалық инфрақұрылым, негізінен энергетика және коммуникациялық байланыс салалары;
Көп салалы секторлар, қоршаған ортаны қорғау және өзге де өтпелі бағыттарды қамти отырып.

ДРК-ның қалған бөлігі дамушы елдердің дамуына жәрдемдесу мақсатында халықаралық ұйымдарға ерікті және міндетті жарналар түрінде аударылды.

Көрсетілген статистикалық деректер ЭЫДҰ-ның ресми веб-парақшасында жарияланған:
https://www.oecd.org/en/data/dashboards/official-development-assistance-at-a-glance.html

2024 жылға арналған деректердің ЭЫДҰ ДЖК ресми есептерінде жариялануы Қазақстан Республикасының халықаралық дамуға көмек көрсету жүйесіне жүйелі қатысуын растайды.