Қазақстан Республикасының 2023 жылы шет елдерге көрсеткен дамуға ресми көмегі туралы

2014 жылғы 10 желтоқсандағы «Дамуға ресми көмек туралы» Қазақстан Республикасының Заңына және Экономикалық ынтымақтастық және даму ұйымының дамуға жәрдемдесу комитетіндегі «шақырылған» мәртебесіне сәйкес Қазақстан Республикасының Сыртқы істер министрлігі 2023 жылы шет елдерге көрсетілген дамуға ресми көмек туралы статистикалық есепті ұсынды.

2023 жылы Қазақстан Республикасының екіжақты және көпжақты арналар бойынша көрсеткен дамуға ресми көмегінің жалпы сомасы 31,69 млн АҚШ долларын құрады.

2023 жылы Қазақстан Республикасының екіжақты көмегінің негізгі алушылары:

Ауғанстан – 4,66 млн АҚШ доллары;
Тәжікстан – 2,75 млн АҚШ доллары;
Пәкістан – 1,36 млн АҚШ доллары;
Мысыр – 1,21 млн АҚШ доллары;
Түркия – 1,20 млн АҚШ доллары.

2023 жылғы ДРК келесі басым бағыттар бойынша бағытталды:

Гуманитарлық көмек, төтенше жағдайлар кезінде әрекет ету және табиғи апаттардың алдын алу;
Экономикалық инфрақұрылым, энергетика және коммуникациялық байланыс салаларын қамти отырып;
Көп салалы өзге бағыттар, оның ішінде әкімшілік және институционалдық шығыстар.

ДРК-ның қалған бөлігі дамушы елдердің дамуына қолдау көрсету мақсатында халықаралық ұйымдарға ерікті және міндетті жарналар ретінде аударылды.

Статистикалық деректер ЭЫДҰ-ның ресми веб-парақшасында орналастырылған:
https://www.oecd.org/en/data/dashboards/official-development-assistance-at-a-glance.html

Қазақстан Республикасының ДРК жөніндегі деректерінің ЭЫДҰ ДЖК есептілігінде жариялануы елдің халықаралық даму саласындағы ынтымақтастықтағы рөлінің артқанын көрсетеді.