Қазақстан Республикасының 2022 жылы шет елдерге көрсеткен дамуға ресми көмегі туралы

2014 жылғы 10 желтоқсандағы «Дамуға ресми көмек туралы» Қазақстан Республикасының Заңын іске асыру мақсатында және Экономикалық ынтымақтастық және даму ұйымының дамуға жәрдемдесу комитетіндегі (бұдан әрі – ДЖК) «шақырылған» мәртебесіне сәйкес Қазақстан Республикасының Сыртқы істер министрлігі ЭЫДҰ-ның аталған құрылымдық бөлімшесімен өзара іс-қимыл жөніндегі жұмыс органы ретінде Қазақстан Республикасының шет елдерге 2022 жылы көрсеткен көмегі туралы кезекті статистикалық есепті ұсынды.

2022 жылы Қазақстан Республикасының екіжақты және көпжақты арналар бойынша шет елдерге көрсеткен дамуға ресми көмегінің (бұдан әрі – ДРК) жалпы сомасы 38,64 млн АҚШ долларын құрады.

2022 жылы Қазақстан Республикасының екіжақты көмегінің негізгі алушылары:

Ауғанстан – 4,39 млн АҚШ доллары;
Украина – 2,40 млн АҚШ доллары;
Пәкістан – 0,42 млн АҚШ доллары;
Тәжікстан – 0,40 млн АҚШ доллары;
Қырғызстан – 0,40 млн АҚШ доллары.

Аталған қаражат дамуға көмек көрсету мақсатында, сондай-ақ мынадай негізгі бағыттар бойынша аударылды:

Гуманитарлық көмек, төтенше жағдайлар кезінде көмек көрсету, қалпына келтіру және қайта құруды қоса алғанда;
Экономикалық инфрақұрылым, оның ішінде энергетика, көлік және коммуникациялық байланыс;
Көп салалы және өзге де бағыттар, әкімшілік және ілеспе шығыстарды қамти отырып.

ДРК-ның қалған бөлігі дамушы елдердің дамуына жәрдемдесу мақсатында түрлі өңірлік және халықаралық ұйымдарға ерікті және міндетті жарналар түрінде аударылды.

Көрсетілген статистикалық деректер ЭЫДҰ-ның ресми веб-парақшасында онлайн қолжетімді:
https://www.oecd.org/en/data/dashboards/official-development-assistance-at-a-glance.html

Қазақстандық ДРК туралы деректердің ЭЫДҰ ДЖК ресми есептерінде жариялануы халықаралық қоғамдастық тарапынан Қазақстан Республикасының донор ел ретіндегі қызметін мойындау болып табылады.