1961 жылы 11 сәуірде Катонқарағай ауданы Өрнек ауылында дүниеге келді. Білімі жоғары. Семей зоотехникалық-малдәрігерлік институтын, Шығыс Қазақстан мемлекеттік университетінің заң факультетін бітірген. Еңбек жолын Черняховский атындағы кеңшарда мал дәрігері болып бастады. Кейін осы кеңшарда бригадир, кәсіподақ комитетінің төрағасы қызметтерін атқарды. 1993 жылы Катонқарағай аудандық полиция бөліміне қызметке шақырылып, құқық қорғау органында еңбек етті. Отставкаға шыққанша соңғы жеті жыл аудандық жол полициясы бөлімшесінің бастығы болып қызмет етті. Кейін «Өртас» ЖШС директоры.Жанар Жанабаев аудандағы қоғамдық, жол қозғалысы тәртібін сақтау ісіндегі нәтижелі қызметі үшін ҚР Ішкі істер министрлігінің «ІІІ дәрежелі Ішкі істер органдарындағы мінсіз қызметі үшін», «Құқық тәртібін қамтамасыз етуде үздік жұмысы үшін» медальдарымен және «Қазақстан полициясына - 15 жыл» төсбелгісімен марапатталған. Катонқарағай ауданының құрметті азаматы. Аудандық мәслихаттың V, VI, VIII шақырылымдарының депутаты.