1971 жылы 11 сәуірде Шығыс Қазақстан облысы Катонқарағай ауданы Аршаты ауылында дүниеге келді. Білімі жоғары. Шығыс Қазақстан мемлекеттік универститетін филолог, қазақ тілі мен әдебиеті пәнінің мұғалімі мамандығы бойынша бітірген. Еңбек жолын 1986 жылы Өрел орта мектебін бітірген соң, Өрел кеңшарының Аршаты бөлімшесінде жұмысшы болып бастады. 1989 жылы әскер қатарына шақырылып, Отан алдындағы борышын Забайкалье әскери округінде өтейді. 1991 жылы Өрел кеңшарының Аршаты бөлімшесіндегі жұмысын жалғастырады. 1992 жылы Аршаты орта мектебіне тәлімгер болып орналасады. 2007 жылға дейін Аршаты орта мектебінде мұғалім болып еңбек етеді. 2007 жылы Жамбыл ауылдық округінің әкімі болып тағайындалады. 2010 жылы Катонқарағай аудандық мәслихатының аппарат жетекшісі лауазымына ауыстырылады. Сегізінші шақырылған Катонқарағай аудандық мәслихатының 2023 жылғы 30 наурыздағы бірінші сессиясының шешімімен Катонқарағай аудандық мәслихатының төрағасы болып сайланды. Аудандық мәслихаттың VIII шақырылымының депутаты.