1956 жылы 23 қыркүйекте Большенарым (қазіргі Үлкен Нарын) ауданы Большенарым ауылында дүниеге келген. 1973 жылы В.И.Ленин атындағы орта мектепті бітірді. Мектепті бітіргеннен кейін 1973 жылы Өскемен қаласының жол-құрылыс институтының «Автомобиль жолдары» факультетіне оқуға түсіп, 1979 жылы аталған оқу орнын инженер-құрылысшы мамандығымен бітірген. Еңбек жолын 1979 жылы Большенарым ауылындағы №38 Жол басқармасына қарасты ДЭУ-5 мекемесінде бас инженер лауазымында бастады. 1985-86 жылдары ШҚ облавтожолға қарасты аудандық автожолдың Большенарым бөлімшесінде жұмыс істеді. 1986-97 жылдары ПМК-15 мекемесінің бастығы болып жұмыс істеді. 1997-2001 жылдар аралығында Большенарым ауылындағы «Ердар» ЖШС-нің директоры қызметін атқарды. 2001 жылдан бері «Нарын-Сервис» ЖШС директоры қызметін атқарды. Жемісті еңбегі үшін «ҚР білім беру саласының үздігі», «Құрметті құрылысшысы» марапат белгілерімен, «Астанаға 10 жыл», «Қазақстан Республикасының тәуелсіздігіне 20 жыл», «Қазақстан мәслихаттарына жиырма жыл» мерекелік медальдарымен марапатталған. Катонқарағай ауданының құрметті азаматы. Аудандық мәслихаттың IV, V, VI шақырылымдарының депутаты.