1987 жылы 11 қарашада Катонқарағай ауданының Катонқарағай ауылында дүниеге келді. Білімі жоғары. 2009 жылы С.Аманжолов атындағы Шығыс Қазақстан мемлекеттік университетінің казақ тілі мен әдебиеті, 2011 жылы аударма ісі факультеттерін бітірді. 2009-2010 жылдар аралығында Мойылды орта мектебінің қазақ тілі және әдебиеті пәнінің мұғалімі, 2010-2014 жылдары Ленин атындағы орта мектептің қазақ тілі және әдебиеті пәнінің мұғалімі болып еңбек етті. 2014-2015 жылдары «Арай»-«Луч» газеттерінің тілшісі. 2015 жылдан 2023 жылға дейін «Катонқарағай ауданының жастар орталығы» КММ-нің маманы. 2023 жылдан бастап аудандық «Арай»-«Луч» газеттерінің, 2024 жылдан бастап «Арайлы Катонқарағай» газетінің редакторы. 2015 жылы Қазақстан Респуликасы Президентінің алғыс хатымен марапаталды. Аудандық мәслихаттың VI шақырылымының депутаты.