1960 жылы 1 қаңтарда Катонқарағай ауданы Катонқарағай ауылында дүниеге келді. Білімі жоғары. Инженер-механик мамандығы бойынша Алматы ауылшаруашылық институтын бітірген. Еңбек жолын «Алтай» кеңшарында инженер-механик болып бастады. Содан кейін Катонқарағай ауылындағы авто жүргізушілер мектебінің мұғалімі, кейін директоры болып жалғастырды. 1990 жылдың басында «Исатай» ЖШС болып қайта құрылған шаруашылық кооперативін құрды. Шаруашылықтың негізгі жұмыс бағыты – құрылыс материалдарын даярлау және жөндеу. Қазір «Исатай» ЖШС директоры. Күрделі жөндеумен, құрылыспен және автокөлік жүргізушілер дайындаумен айналысады. Атқарылған жұмыстары жоғарғы сапамен бағаланып отырады. «Қазақстан тәуелсіздігіне 20 жыл», «Қазақстан мәслихаттарына жиырма жыл» мерекелік медальдарымен марапатталған. Аудандық мәслихаттың V, VI шақырылымдарының депутаты.