1960 жылы 5 наурызда Катонқарағай ауданы Печи (қазіргі Барлық) ауылында дүниеге келді. Білімі жоғары. Өскемен педагогикалық институтының дене шынықтыру факультетін бітірді. 1977 жылы Коробиха орта мектебін аяқтады. 1978-80 жылдары Германияда Кеңес армиясы қатарында жауынгерлік борышын өтеген соң, 1980 жылы Лениногор орман техникумына оқуға түсіп, 1983 жылы аяқтады. Еңбек жолын Коробиха кеңшарының Печи бөлімшесінде механик болып бастады. 1988-96 жылдары Печи мектебінде денешынықтыру пәнінің мұғалімі, директордың оқу-тәрбие жұмысы жөніндегі орынбасары болып еңбек етті. 1996 жылдан 2010 жылға дейін ЗАО «ВК РЭК» учаске мастері қызметін атқарды. Қазір «Үшбұлақ» шаруа қожалығында еңбек етеді. Аудандық мәслихаттың ІІІ, ІV, VІ шақырылымдарының депутаты.