1955 жылы 10 қазанда Катонқарағай ауданы Катонқарағай ауылында дүниеге келді. Білімі жоғары. 1973 жылы Алматы қаласындағы Қазақтың физкультура институтына түсіп, 1977 жылы дене тәрбиесі пәнінің мұғалімі мамандығы бойынша бітіріп, диплом алды. Еңбек жолын 1977 жылы Катонқарағай ауылындағы Ленин атындағы орта мектепте дене шынықтыру пәнінің мұғалімі болып бастады. 1988-94 жылдары Катонқарағай ауданы Чернова орта мектебінің директоры, 1994-2004 жылдары Катонқарағай ауылындағы Ленин атындағы орта мектепте директордың тәрбие ісі жөніндегі орынбасары болып қызмет атқарды. 2004 жылдан зейнетке шыққанға дейін Катонқарағай ауылындағы Рыков атындағы орта мектептің директоры болып қызмет атқарды. 1986 жылы «Аға мұғалім» атағын алды. 1996 жылы Қазақстан Республикасы Білім және Ғылым министрлігінің Құрмет грамотасымен марапатталған.Аудандық мәслихаттың I, ІV, V шақырылымдарының депутаты.