1951 жылы 20 қаңтарда Катонқарағай ауданы Фыкалка (қазіргі Бекалқа) ауылында дүниеге келді. Білімі жоғары. 1976 жылы Өскемен құрылыс-жол институтын құрылыс-жол машиналары және жабдықтары мамандығы бойынша бітірген. Ақсу орта мектебін бітіргеннен кейін 1969-71 жылдары әскер қатарына алынып, Отан алдындағы борышын өтейді. 1976 жылы Өскемен қаласынан жоғары оқу орнын бітіріп келген жас маман Зырян қаласында жол-құрылыс басқармасында механик болып орналасады. Бір жылдан кейін Верх-Катунь марал кеңшарына механик болып барады. 1980-86 жылдары Коробиха кеңшарында бас инженер, 1986-95 жылдары заңгер, ал 1995-2004 жылдары «Ақсу» акционерлік қоғамында МТМ-да директор болып қызмет атқарған. Аудандық мәслихаттың II, III шақырылымдарының депутаты.