1950 жылы 15 қыркүйекте Большенарым ауданы Жұлдыз ауылында дүниеге келді. Білімі жоғары. 1987 жылы Өскемен педагогикалық институтын география пәнінің мұғалімі мамандығы бойынша бітірген. Малонарым сегіз жылдық мектебін бітіргеннен кейін, Өскемен ауылшаруашылық техникумына түсіп, 1971 жылы аяқтады. 1971 жылдан 1973 жылға дейін әскер қатарында болып, Отан алдындағы әскери борышын өтеді. Еңбек жолын Ұлан ауданы Обухов кеңшарында бастады. 1975 жылы наурыз айында өзі туған Большенарым ауданы Малонарым ауылындағы Жданов атындағы ұжымшарға веттехник болып жұмысқа орналасты. 1978-89 жылдары Малонарым орта мектебінде әскери жетекші болып қызмет атқарды. 1989 жылдың тамыз айында Солоновка ауылында «Дружба» ұжымшарының кәсіподақ комитетінің төрағасы болып сайланды. 1997 жылдың тамыз айында аудандық мәслихаттың біріккен сессиясында Катонқарағай аудандық мәслихатының хатшысы болып сайланды. Аудандық мәслихаттың I, II шақырылымдарының депутаты.