1956 жылы Большенарым (қазіргі Үлкен Нарын) ауданы Балғын ауылында дүниеге келді. Жаңаүлгі сегіз жылдық мектебінде үшінші сыныпқа дейін оқып, 1973 жылы оныншы сыныпты Катонқарағай ауылындағы Е.П.Рыков атындағы орта мектептен тәмамдаған. Білімі жоғары. Өскемен қаласындағы құрылыс-жол институтын бітірген. 1978 жылы жоғары оқу орнын бітіріп келген жас маман еңбек жолын Торғай облысында өндірістік көлік басқармасы Амангелді автокөлік кәсіпорнында колонна бастығы болып бастайды. 1981 жылдан бастап осы кәсіпорында бас инженер болып қызмет атқарады. 1996 жылы туған еліне оралып, Катонқарағай автокөліктік кәсіпорнының бастығы болып орналасады. 2001 жылдан бастап Катонқарағай аудандық «Дархан АТП» жауапкерлігі шектеулі серіктестігінің директоры қызмет атқарды. Аудандық мәслихаттың I, II шақырылымдарының депутаты.