1957 жылы 15 қыркүйекте Большенарым (қазіргі Үлкен Нарын) ауданы Новоберезовка (қазіргі Алтынбел) ауылында дүниеге келді. Екі жоғары білімі бар. 1981 жылы Өскемен құрылыс-жол институтын инженер-механик мамандығы бойынша, 1992 жылы Рысқұлов атындағы Қазақ экономикалық университетін экономист мамандығы бойынша бітірген. Еңбек жолын 1981 жылы Үлкен Нарындағы №22 ауылдық кәсіптік-техникалық училищеде оқытушы болып бастады. 1984 жылы Ленин атындағы ұжымшарға механик болып орналасты. 1985-87 жылдары әскер қатарына шақырылып, Отан алдындағы борышын өтеді. 1987-90 жылдары Ленин атындағы ұжымшардың инженер-механигі болып қызмет атқарды. 1990 жылы осы ұжымшарда машина-трактор шеберханасының меңгерушісі болып ауыстырылды. 1996-2000 жылдары «Талап» өндірістік кооперативінің басшысы болды. 2000 жылы Қабдрғали Нұрашұлы «Диас» атты шаруа қожалығын құрып, 2006 жылға дейін шаруа қожалығын басқарды. 2006 жылдан бастап Алтынбел ауылдық округінің әкімі болды. Аудандық мәслихаттың II шақырылымының депутаты.