1954 жылы 20 сәуірде Катонқарағай ауданы Фадиха (қазіргі Маралды) ауылында дүниеге келді. Білімі жоғары. 1971 жылы Чернова орта мектебін бітірді. 1976 жылы Алматыда Қазақ ауыл шаруашылығы институтын бітірген. 1976-81 жылдары №16 Большенарым кәсіптік училищесінің оқытушысы. 1981-83 жылдары әскер қатарында болып, Отан алдындағы борышын өтеп келген соң, №16 кәсіптік училищеде оқытушылық қызметін жалғастырды. 1985-88 жылдары №22 Большенарым ауылдық кәсіптік техникалық училищесінің меңгерушісі, 1988-94 жылдары аталған білім мекемесінде директордың орынбасары болып еңбек етті. 1994-97 жылдары Большенарым аудандық мәслихатының хатшысы. 1997-2005 жылдары Катонқарағай аудандық ауыл шаруашылығы бөлімінің бастығы, 2005 жылдан зейнетке шыққанға дейін «Қазагромаркетинг» АҚ Шығыс Қазақстан облысы бойынша филиалының директоры қызметінде болды. Аудандық мәслихаттың I шақырылымының депутаты.