1946 жылы 7 наурызда Шығыс Қазақстан облысы Күршім ауданы Діңген ауылында дүниеге келді. Білімі жоғары. Семейдің зоотехникалық-малдәрігерлік институтын бітіріп, мал дәрігерлік мамандығын алған. Еңбек жолын 1974 жылы Қазақстанның 40 жылдығы атындағы кеңшарда мал дәрігері болып бастады. Сол жылдарда Калинин атындағы ұжымшарда бас мал дәрігері болып істеді. 1976-91 жылдары партия ұйымының басшысы болды. 1994 жылы Калинин атындағы ұжымшардың төрағасы болып тағайындалды. 1999 жылы ауыл шаруашылығын өркендетуге, маусымдық жұмыстарға белсене қатысқаны үшін «Құрмет» орденімен марапатталды. 1996-2004 жылдары «Наурыз» шаруа қожалығының, 2004-2008 жылы «Наурыз» ЖШС басшысы болып істеді. 2001 жылы 16 желтоқсанда Қазақстан Республикасы Президенті Нұрсұлтан Әбішұлы Назарбаевтың алғыс хатына ие болды.Аудандық мәслихаттың I шақырылымының депутаты.