1957 жылы 25 маусымда Большенарым (қазіргі Үлкен Нарын) ауданы Солдатово ауылында дүниеге келді. Білімі жоғары. 1974 жылы орта мектепті бітірген соң, Қазақ мемлекеттік ауыл шаруашылығы институтының ауыл шаруашылығының механизациясы факультетіне оқуға түсіп, 1979 жылы бітірген. Еңбек жолын Глубокое ауданының Опытное поле ауылындағы Шығыс Қазақстан мемлекеттік тәжірибелік ауыл шаруашылығы станциясында механик болып бастады. 1980-82 жылдары Калинин атындағы ұжымшарда бас инженер болып еңбек етті. 1982-84 жылдары әскер қатарына шақырылып, Отан алдындағы борышын өтеді. Әскер қатарынан босаған соң, Калинин атындағы ұжымшарда бас инженер қызметін жалғастырды. 1988-97 жылдары Қазақстанның 40 жылдығы атындағы кеңшарда директор болып қызмет етті. 1997-98 жылдары Шығыс Қазақстан облысы ішкі істер басқармасының қылмыстық атқару жүйесінің 08-156/13 мекемесінде директор болып еңбек етті. 1998 жылдан бастап Алматы қаласындағы №2 троллейбус паркінің бас инженері, бастығы қазметтерін атқарды. 2001 жылдан бастап Алматы қаласының №1 троллейбус паркінің бастығы қызметінде болды. Аудандық мәслихаттың I шақырылымының депутаты.