Садуов Қалиахмет Кабышұлы 1954 жылы 20 мамырда Катонқарағай ауданы Берел ауылында дүниеге келді. Білімі жоғары. 1971 жылы Өрел орта мектебін, 1976 жылы Шығыс Қазақстан ауыл шаруашылық техникумын бітірген, мамандығы техник – механик. Еңбек жолын Өрел кеңшары Аршаты бөлімшесінде механик болып бастап, бөлімше басқарушысына дейін көтерілді. Өз ісіне адал, білікті маман, іскер басшы ретінде танылған Қалиахмет Кабышұлы 1983 жылы жолдамамен Алматы жоғарғы партия мектебіне оқуға жіберілді. 1990-92 жылдары Алтай кеңшарының бас инженері, Өрел кеңшары Аршаты бөлімшесінің басқарушысы, Катонқарағай кеңшары Берел бөлімшесінің басқарушысы қызметтерін атқарды. Аудандық мәслихаттың I шақырылымының депутаты.