1949 жылы 9 мамырда Катонқарағай ауданы Катонқарағай ауылында дүниеге келді. Білімі жоғары. Қазақтың ауылшаруашылық институтының механика факультетін бітірген, мамандығы инженер-механик. Еңбек жолын Черняховский атындағы кеңшарда бас инженер болып бастады. Кейіннен Жоғарыкатон марал кеңшарында директор болды. Кеңес үкіметі ыдырап, кеңшарлар таратылған кезде «Ақсу» акционерлік қоғамын құрып, оның президенті болды. Қазақстан Республикасы Парламент Мәжілісінің екінші шақырылымының депутаты бола жүріп, Катонқарағай ұлттық паркінің қалыптасуына зор еңбек сіңірді. Асқар Айтқұлұлының еңбегі өкімет тарапынан жоғары бағаланып, «Шапағат» орденімен, бірнеше медальдармен марапатталған.
Аудандық мәслихаттың I шақырылымының депутаты.