Мемлекеттің қолдауы Бұқар жырау ауданындағы кәсіпкер әйелге бизнесін кеңейтуге көмектесті

Бұқар жырау ауданының Ғабиден Мұстафин ауылындағы кәсіпкер Қарлығаш Теңсел он жылдан астам уақыттан бері ет сатумен айналысып келеді. Осы уақыт ішінде ол сатып алушылардың сеніміне ие болды. Бірақ жақында ол бизнесті одан әрі қалай дамытсам екен деп ойлана бастаған.

– Мен бұрыннан бері кәсібімді кеңейту туралы ойлап жүрмін, – дейді Қарлығаш. – Жаңа жабдықтар сатып алып, дүкенді жаңартқым келді, бірақ қаражат жетіспеді.

Жергілікті әкімдікте Қарлығаш жылдық 2,5% жеңілдікпен несие беретін «Ауыл аманаты» мемлекеттік бағдарламасы туралы білген. Ол өтініш беріп, 3 миллион 650 мың теңге алды.

Осы қаражатқа кәсіпкер өзінің сауда нүктесін жаңғыртуға қажетті барлық нәрселерді сатып алды: тоңазытқыштар, үлкен мұздатқыштар, витрина, кондиционер, ет тартқыш және ет кесетін кәсіби станок.

– Осы қолдаудың арқасында мен өнімнің ассортиментін кеңейтіп, сақтау жағдайын жақсарта алдым. Енді менің балғын ет те, дайын фарш та сатуға барлық қажетті жабдықтарым бар, – дейді Қарлығаш.

Оның дүкені сатып алушылар үшін де, қожайынның өзі үшін де анағұрлым заманауи әрі ыңғайлы бола түсті. Несие 5 жылға берілді.

– Бұл өте тиімді. Осындай мүмкіндік үшін «Ауыл аманаты» бағдарламасына ризамын, – дейді кәсіпкер.

Бұқар Жырау ауданы әкімдігінің ақпараты бойынша