Қарағанды облысында улы газ датчиктерін орнату жұмыстары жалғасуда

Өрт қауіпсіздігі айлығы аясында Қарағанды облысының ТЖД өкілдері жылыту маусымы қарсаңында алдын алу іс-шараларын жалғастыруда. Мамандар аулаларды аралап, тұрғындармен түсіндіру әңгімелерін жүргізеді.

ТЖД қызметкерлері жергілікті атқарушы органдармен және еріктілермен бірлесіп көп балалы отбасылардың, мүгедектердің, жалғыз тұратын зейнеткерлердің үйлерінде түтін датчиктері мен улы газ датчиктерін орнатуды жалғастыруда.

15 тамыздан бастап 28 сенсор орнатылды, тағы 50 құрылғыны орнату жоспарлануда.

ТЖД қызметкерлері аулаларды аралап, тұрғындарға жылыту жүйелерін ұзақ уақыт пайдалануға дайындау қажеттігін, атап айтқанда пештерді жөндеу, түтіндіктерді күйеден тазарту, сондай-ақ өрт қауіпсіздігін сақтау керектігі туралы ескертеді.

Аралау кезінде 17 мыңнан астам адамға нұсқау берілді, тұрғындармен 113-тен астам жиын өткізілді.

Түсіндіру іс-шараларымен облыстың барлық өңірлері қамтылды.

Қарағанды облысы ТЖД баспасөз қызметінің ақпараты бойынша