Жыл қорытындысы: Бұқар Жырау ауданында кәсіпкерліктің даму қарқыны

Бұқар жырау ауданында кәсіпкерлікті дамыту жөніндегі ұлттық жобамен және басқа да мемлекеттік бағдарламалармен биыл 21 жоба, оның ішінде пайыздық мөлшерлемені субсидиялау бойынша – 13, кепілдік беру бойынша – 7 жобаға қолдау көрсетілді және қаржыландырылды, сондай-ақ 1 грант берілді.

Мысалы, Үштөбе ауылындағы "Супер Ботақан" ЖМ әлеуметтік кәсіпкері "Супер Ботақан" балабақшасында Монтессори топтарын ашуға мемлекеттік грант алды. Қазір оған 160 бала барады, онда 21 адам жұмыс істейді.

Сондай-ақ, ауданның Мансап орталығы 12 грант берді. Өз ісін ашуға жас кәсіпкерлер аудан әкімінің 13 грантын алды.

Кәсіпкерлікті қолдаудың бірыңғай кешенді бағдарламасы бойынша Үштөбе ауылдық округінде "Электр тарату желілерінің құрылысы" жобасы көмек алды. 

Сондай-ақ, жеке бастамалар есебінен сауда және қызмет көрсету саласында 35 бизнес субъектісі ашылды, 47 жұмыс орны құрылды.

Бизнестің белсенділігін арттыру және кәсіпкерлік сауаттылықтың өсуі үшін қаржылық емес қолдау шаралары қолданылады, онлайн оқыту жүргізіледі.

Туризм де белсенді дамып келеді. Аудан аумағында 13 туристік нысан бар, биыл келушілер саны 3,2%-ға артты.

2025 жылы Байқадам ауылында демалыс үйін, балық аулауға арналған орын салу және ашу бойынша "Алтын Ғасыр" ЖШС жобасын іске асыру жоспарлануда.

Бүгінгі таңда ауданда тіркелген кәсіпкерлік субъектілерінің саны 3984 бірлікті құрайды, оның 50,3% – жеке кәсіпкерлер, 40 % – шаруа қожалықтары, 9,7 % – шағын және орта кәсіпорындар.

Бұқар Жырау ауданы әкімдігінің ақпараты бойынша