Қарағанды облысында InfoKazakhstan.kz платформасы арқылы үш мыңнан астам кәсіпкер өз жұмыстарын қайта бастады

Қарағанды облысында 17 тамыздағы жағдайы бойынша https://infokazakhstan.kz/ порталында 3 260 кәсіпкер тіркелген болатын. Бұл жайында Қарағанды облысының Кәсіпкерлер палатасының директоры Ернар Күлпеисов мәлімдеген болатын.

Еске сала кетер болсақ, «Атамекен» ҰКП бас санитарлық дәрігердің қаулысын қабылдаған күні, 14 тамызда, InfoKazakhstan.kz платформасын іске қосты, ол арқылы әр кәсіпкер қызметін қайта бастайтындығы жайында өтінішті бере алады. Бұл плотформа кабинеттерді аралаудан, құжаттарды жинаудан босатады.

InfoKazakhstan.kz платформасына кірген уақытта кәсіпкерлердің кейбір деректері (кәсіпорынның атауы, БСН) автоматты түрде жүктелетіні маңызды, ал қалған үлгілер 10-15 минуттың ішінде толтырылады. Платорманың сервисін десктоп-нұсқада компьютер арқылы қолдануға болады, мобильді нұсқасының қызметі толыққанды жұмыс істемейді.

Кәсіпкерлерге кеңес беру үшін кол-орталық 1432 (қоңырау тегін) тәулік бойы жұмыс істейді. Қарағанды облысы бойынша - (8-7212) 50-64-13. Сонымен қатар, телеграм-канал t.me/infokazakhstan іске қосылған, онда порталдың жұмысы туралы жаңалықтар және бизнес кәсіпкерлері үшін көптеген пайдалы өзге де ақпараттар жарияланып тұрады.

Қарағанды облысы Кәсіпкерлер палатасының баспасөз қызметінің ақпараты бойынша