Қарағанды облысында 17 тамыздан бастап кезең-кезеңмен карантинді жеңілдету енгізіледі
Қарағанды облысында өңірлік жедел штаб карантин шараларын кезең-кезеңмен жеңілдету туралы шешім қабылдады. 17 тамыздан бастап сауда үйлерінің, жабық базарлардың, сұлулық салондары мен басқа нысандардың қызметін қайта жандандыруға рұқсат берілді. Балалар бақшасында, білім беру орталықтарында кезекші топтары жұмыс істейді. Алайда бетперделік режим мен күшейтілген санитариялық шаралар сақталады. Демалыс күндеріне қатаң шектеулер қайта қойылады.
Бұл туралы Қарағанды облысының мемлекеттік бас санитарлық дәрігерінің орынбасары Юрий Залыгин брифингте мәлімдеді.
- Коронавирус жұқпалы ауруы бойынша эпидемиологиялық жағдайдың тұрақтануына байланысты, Қарағанды облысындағы ведомствоаралық мемлекеттік комиссия шешімін ескере отырып 17 тамыздан бастап карантин шараларын кезең-кезеңмен жұмсарту енгізіледі. Бұл ретте қызметін қайта жандандыратын барлық нысандар үшін міндетті болып табылады: келушілердің және қызметкерлердің термометриясын өткізу; жеке қорғаныш құралдарын қолдану; әлеуметтік қашықтандыруды сақтау; күшейтілген санитариялық-дезинфекциялық режим, - деді спикер.
17 тамыздан бастап кезең-кезеңмен келесі қызметтер қайта жандандырылады:
- сауда және ойын-сауық орталықтары, сауда үйлері жабық базарлар - топтасу бойынша шарты:, бір келушіге 4 ш. метр, 30% -дан аспайды;
- сұлулық салондары, шаштараздар, СПА-орталықтары, косметологиялық қызметтер көрсететін нысандар - бір келушіге 4 ш. метр көлемінде есеппен, алдын алу жазылу бойынша жүргізілуі керек;
- балаларға арналған түзету кабинеттері, балалар және ересектерге арналған білім беру орталықтары, топтар – алдын алу жазылу бойынша және 5 адамнан аспайды;
- мектепке дейінгі мекемелердегі кезекші топтары;
- ашық ауадағы аттракциондар – әлеуметтік қашықтандыруды және бетперделік режимді сақтау, келушілердің ағынын реттеу жағдайында;
- бассейнсіз фитнес-орталықтар – бір келушіге 5 ш.м көлемінде есеппен және топтасуы 50%-дан аспайтын, алдын алу жазылу бойынша;
- бассейнсіз моншалар және сауналар - бір келушіге 4 ш. метр көлемінде және топтасуы 50%-дан аспайтын, әлеуметтік қашықтандыруды міндетті сақтаумен.
Мемлекеттік органдар мен ұйымдар, ұлттық компаниялар, кеңселер, сондай-ақ қашықтықтан жұмыс істеу мүмкін болатын жеке мекемелер қызметкерлеріне 80%-дан кем емес деңгейінде қашықтық бойынша жұмыс сақталады.
Ашық ауада жеке құрамда және 5 адамнан аспайтын топтармен жаттықтыруларға рұқсат беріледі. Ұлттық құрама және клуб командаларының мүшелеріне спорт базаларында тұрып, алайда санитариялық талаптарды сақтай отырып – 30 адамнан асырмай спорттық жаттығуларға рұқсат беріледі.
Қоғамдық орындарда, жабық ғимараттарда, қоғамдық көліктерде медициналық бетперде тағу міндетті болып қалады.
Төмендегілерге тыйым салынады:
- ойын-сауық және бұқаралық іс-шараларды, спорт мерекелерін, отбасылық салтанаттарды және еске алу рәсімдері өткізу;
- ойын-сауық мекемелері, бар, түнгі және ойын клубтары, фуд-корт, кинотеатр, бассейн, қалалық қоғамдық жағалау және аквапарк, діни нысандар қызметі.
Театр, мұражай мен басқа мәдениет нысандары іс-шараларды тек онлайн режимде өткізе алады.
Қаларалық автобус рейстері қайта жандандырылмайды. Қала маңындағы электричкалар қозғалысына да тыйым салынады.
Демалыс күндері қатаң карантин сақталады. Бұл күндері сауда ойын-сауық орталықтарына (оның ішінде орналасқан дәріханалар мен азық-түлік супермаркеттерін қоспағанда), сауда үйлеріне, сұлулық салондары мен қызметі қайта жандандырылған басқа нысандарға жұмыс істеуге тыйым салынады. Сонымен бірге қоғамдық көлік қозғалысы тоқтатылады.
Мониторинг топтары санитариялық-эпидемиологиялық талаптардың сақталуын бақылауды жалғастырады.