Қазақстандықтар мектеп оқушыларын компьютер техникасымен қамтамасыз етуге көмек сұрады

Қазақстанда «OQY’SHYNY QOLDA!» Республикалық қайырымдылық акциясы басталды. Ол мектеп оқушыларын қашықтықтан оқыту үшін қажетті техникамен қамтамасыз етуге шақырады. Оның ерекшеліктері туралы Орталық коммуникация қызметіндегі баспасөз мәслихатында ҚР БҒМ Балалардың құқықтары қорғау комитетінің төрағасы Есенғазы Имангалиев баяндады.

Жаңа республикалық қайырымдылық акциясы бірінші кезекте аса мұқтаж оқушыларға өтеулі берумен компьютер техникасын сатып алуға бағытталған. Білім министрлігінің өкілдері балаларды демеушілердің, меценаттардың, қайырымдылық ұйымдары басшыларының және еріктілердің ерікті көмегі есебінен қолдауды ұсынды.

- Министрлікпен мектеп мониторингі өткізілді және мектеп оқушыларының өтеулі техниканы алғанда кезектілігін анықтау кезінде ескерілетін критерийлер анықталды. Бірінші кезекте, ерекше қажеттіліктері бар балалар мен жетім балаларға көмек беріледі. Тегін техниканы алуға өтінім беру үшін арнайы qoldau.edu.kz сайты іске қосылды. Жоба операторлары білім басқармасымен бірлесіп көмектесуді қалайтын демеушілер, меценаттар есебінен сатып алынатын техниканы qoldau.edu.kz сайты арқылы компьютер, ноутбук немесе планшет сұраған балаларға уақытша қолдануға беру үшін белгілі мектеп балансына жібереді, - деді, ҚР БҒМ Балалардың құқықтары қорғау комитетінің төрағасы Есенғазы Имангалиев.

Ведомствоның, «Атамекен» Палатасы мен «Менің Атамекенім» қоғамдық бірлестігі мүшелерінің бірлескен жобасы көпшілікке танымал «Мектепке жол» жобасының жалғасы іспеттес. Енді әрбір ниеттенуші мектеп оқушысына техника сатып алып бере алады немесе мектеп оқушысына өзінің компьютерін немесе ноутбугын сыйлай алады.

- Егер сіз балаңыздың тізімде бар не жоғын көргіңіз келсе, сізге нысанды ашу жеткілікті. Онда баланың ЖСН соңғы алты санын енгізу керек. Біз мұны ақпараттың құпиялығын сақтау үшін жасадық. Бірден облыс, аудан және мектеп атауы ашылады. Егер ақпарат ашылса, сіздің балаңыз тізімде бар. Бұл тізілімде қазір 20 мыңнан астам бала бар, - деп түсіндірді, «Менің Атамекенім» ҚБ атқарушы директоры Ләззәт Шыңғысбаева.

Акцияның өтуі бойынша толық ақпаратты Білім министрлігінің әлеуметтік желілерінің парақшаларынан және білім басқармасының жанындағы аймақтық call-орталықтарынан ала аласыз.

Басымдық табысы төмен отбасының балаларына беріледі.

Айта кетсек, Қазақстанда шамамен 3,3 млн оқушы бар. Бірінші тоқсан қашықтықтан оқыту форматында өтуі тиіс.