Карантин режимінде Қарағанды автовокзалы қалай жұмыс істейді

Қарағанды облысында COVID-19  пандемиясына байланысты қатаң карантин әрекет етеді. Қалааралық автобус тасымалдары уақытша тоқтатылды. Қалалық автовокзалдан көлік тек серіктес қалаларға ғана жүреді.

Вокзалдың негізгі ғимараты жабық. Онда қазір жөндеу жүріп жатыр. Көшеде орналасқан қала маңындағы аймақтар тасымалының кассасы жұмыс істейді.

- Бірінші кезекте, біз жолаушыларда бетперденің болуына қараймыз - бетперде кимеген азаматтарға қызмет көрсетілмейді. Бақылауды күзетшілер жүзеге асырады. Егер бетперде болып, алайда қалтада немесе иегінде болса, онда тиісінше киюді сұраймыз, - деп түсіндірді, жолаушылар тасымалдарын ұйымдастыру бойынша автовокзал директоры Гульнара Мукатова.

Автовокзалдың барлық қызметкерлері жеке қорғаныс құралдарымен қамтамасыз етілген. Кассалар мен перрондағы ашық жерлер дезинфекциялаушы ерітінділермен үнемі өңделеді.

Қала маңындағы автобустардың санитариялық жағдайы да мұқият қадағаланады.

- Автобус кеш сайын жуылады, 100% дезинфекцияланады. Салондарды өңдеу үшін арнайы адамдар жалданды. Таңертең, шығар алдында кондукторлар тұтқыштарды, терезе алдыларын, тұтқаларды өздері сүртеді. Басшылық мұны өте қатаң қадағалайды, - деп айтты «Қарағанды - Теміртау» №107 автобусының жүргізушісі Юрий Ходоров.

Карантинге байланысты жолаушылар саны әдеттегіден азайды. Тәулігіне автобуспен 50-ден 100 адамға дейін қолданады. Сондықтан әлеуметтік қашықтықты сақтау қиындық тудырмайды.

Юрий Ходоров сонымен бірге, №5 автопарк әкімшілігі экипажды қажетті жеке қорғаныс құралдарымен толығымен жабдықтап отырғанын атап өтті. Әрбір қызметкерге күніне 13 бетперде, қолғаптар жиынтығы, дезинфекциялаушы және салонды жинауға арналған шығын құралдары беріледі.