«Жақсылық вирусы» акциясы шеңберінде Қарағанды облысының медицина мекемелері оттегі концентраторын алды

Қарағанды облысына «Жақсылық вирусы» акциясы шеңберінде қайырымдылық қорларымен сатып алынған 78 оттегі концентраторлары берілді. COVID-19 ауырғандарды емдеу үшін қажетті жабдық Өңірлік кәсіпкерлер палатасының қызметкерлерімен қабылданып, ауруханаларға берілді.

17 оттегі концентраторлары «DAULETTEN» қайырымдылық қоры» арқылы, 61- «Айдың нұры» Қоры арқылы сатып алынды. Көбісі аудан ауруханаларына бағытталды. Жабдықты Қарағанды, Шахтинск, Теміртау, Саран медицина мекемелері де алды.

«Мұндай қиын уақытта қолдарын созып, көмекке ұмтылған адамдар бары қуанышты жағдай. Біз шетте қалмағандардың бәріне алғысымызды айтамыз. Бұл медициналық жабдық қаншама адамның денсаулығын сақтап, өмірін құтқаруға көмектеседі», - деп атап өтті аудан ауруханаларының өкілдері.

Бұл «Жақсылық вирусы» акциясы шеңберінде қайырымдылық көмектің екінші партиясы. Қарағандыға шілде айында жеті аппарат жеткізіліп, олар бірнеше қалалар бойынша бөлінді.

«Жақсылық вирусы» акциясы көмекке мұқтаждар мен меценаттар арасында өз алдына көпір болып табылады.

Қаражаттарды жинау үшін «Менің Атамекенім» қоғамдық бірлестігі ашылған.